O LE Ā LE GEAR UP?
Talofa lava! Ua faamanuiaina nei le Kolisi Tuufatasi a Amerika Samoa (ASCC) i se porokalame a le Matagaluega o Aoga a le Malo tele ua ta’ua o le “GEAR UP”. O le umi o lenei faamanuiaga e mai le tausaga 2006 se ia o’o atu i le tausaga 2012.
O le “GEAR UP” o se porokalama faata’ita’i o lo o tautuaina e nā o le vasega 7 i a’oga maualalo i le itu i Sisifo o le motu o Tutuila. O lenei porokalama o se auala e aumai ai ni suiga lelei ma ni ala tatau o le talutalu fou e a’oa’oina ai le fanau. E mautū le taofi o lenei porokalama, o le malosi o le lagolago a le GEAR UP i fanau ma o latou aiga, e mafai ona faatupula’ia le faitauaofa’i o ālo a’oga e ulufale atu ma ni tapula’a maualuluga i kolisi po o iuniveiste.
SINI O LE POROKALAMA
- Ia Siitia le tulaga faafaiaoga e ala i ni auala ua iai le faautautaga mamao ma mae’a ona tapena lelei;
- Ia faaleleia le lotoifale o potuaoga ina ia fanaunau fanau e ō ai i leaoga;
- Ia matuā si’itia tulaga uma faale-a’oga’oga o fanau e ala i: a’oga afiafi, au’aunaga e fesoasoani i meaa’oga, ma le lagolago malosi i fanau ma o latou aiga;
- Ia faatupula’ia le silafia o fanau e faaoga masini komipiuta.
- Ia tele faiaoga e ausia le tapuala’a aloa’ia fa’afaiaoga e ala i le pasi o le su’ega o le “Praxis”.
- Faaitiitia le lē lava o faiaoga e ala i le fatumauina o le faafaigaluegaina ma totogi faiaoga i aoga afiafi.
- Ia faatupula’ia le naunau o fanau a’oga e fia o i le kolisi e ala i le faamasani i faagaioiga faale-kolisi ma isi porokalama fesoasoani a le kolisi.
FAAMANUIAGA MO FANAU
Au’aunaga i totonu o Potu A’oga a le GEAR UP
- E a’oa’o i auala na su’esu’eina lelei ma faamaonia le aogā i fanau;
- E mafai ona faaoga masini komipiuta i totonu o potu aoga;
- E a’oa’o e le komipiuta i mataupu Numera ma le Igilisi;
- Faatinoga faaopoopo e pei o: tusi faitau, galuega ma gaioiga e mafai ona faatinoina e tamaiti;
- Galulue ma a’oa’o i vaega; (Group learning)
- Fesoasoani i vaega o loo manaâ’omia e faâ’alelei atili
Tautua i A’oga Afiafi
- Fesoasoani i mea aoga - Numera & Igilisi
- E mafai ona faaalu se taimi o le faiaoga mo se alo e to’atasi;
- Tapenaga mo sueaga- PSAT/SAT/TOEFL/ACT
- Saunia o Fuafuaga faapitoa mo Tamaiti;
- Puipui le fanau mai le tagofia o Tapa’a e ala i polokalama a isi pa’aga a le GEAR UP;
- E iai A’oa’oga e Puipui ai le fanau mai le tagofia o Ava, Tapa’a ma Faualaau Faasaina, fa’amautuina o faiga uo lelei, auala e fesootai ai, auala e fofo ai fa’afitauili ae maise le faia o filifiliga lelei mo le lumana’i.
- E mafai ona saili manaoga faapitoa e maua ai fesoasoani mai nisi tautua faapitoa.
FAAMANUIAGA MOMATUA
Lagolago mo Aiga:
- Fa’aogēina o le malosi faal- mātua e fesoasoani i le alualu i luma o le taumafai o fanau;
- A’oa’oina matua i tomai o le komipiuta;
- Fesoasoani atili mo fanau e aga’i atu i le Kolisi;
- Porokalame mo le Faamalosia o Aiga;
- E iai porokalama e fesoasoani ia malamalama ai i uiga o le fanau i itu nei: fa’alelei feso’otaiga i le va o matua ma fanau, fa’atalatalanoaina o le fanau e tete’e atu i le Ava ma Fualaau faasaina;
- Malamalama i Sikolasipi ma fesoasoani mai le Fetarale;
- Soifua maloloina ma le Saogalemu o Aiga;
- Fa’atinoga o auala e maua ai le fiafia i totonu o Aiga;
FAAMANUIAGA MO FAIAOGA
Maua Tautua faapitoa e fesoasoani e Faaleleia Atili le Auaunaga
- Metotia mo mataupu o le Numera & Igilisi;
- A’oa’oga mo le faamaumauina o togi e fa’aoga ai le komipiuta ma ona agava’a ese’ese;
- A’oa’oga ma fa’ata’itaiga o Metotia tau-Faiaoga;
- Saunia mo suega e pei o le Praxis;
- Mataupu Fa’afaiaoga;
- Meafaigaluega e faatinoina ai A’oa’oga;
- Fesoasoani e fa’aauaupea mo Faiaoga;
- Fesoasoani i le fa’atulagaina lelei o mataupu a’oa’oina. (sch. Curriculum)
- Fa’aogaina o ni isi o alagamanuia i le Kolisi (ASCC). GEAR UP Resource Center
